زابل؛ ارغنداب ولسوالۍ کې د څلورو لوبډلو ترمنځ د والیبال سیالۍ پای ته ورسېدې
د زابل ولایت د بدني روزنې او ورزش آمریت اړوند د والیبال فدراسیون د استازولي له لوري د ياد ولايت په ارغنداب ولسوالۍ کې د څلورو لوبډلو ترمنځ د والیبال سیالۍ د کلاګۍ لوبډلې په اتلولي پای ته ورسېدې.
په یادو سیالیو کې نیکنام، کلاګۍ، لب دريا او هريرود لوبډلو ګډون کړی و چې پایلوبه يې د کلاګۍ او هریرود لوبډلې ترمنځ ترسره شوه او په پایله کې یې کلاګۍ لوبډلې خپلې سیالې لوبډلې ته د ٣ پر صفر میدانونو په توپیر ماتې ورکړه او اتلولي یې په خپل نوم کړه.
دغه سيالۍ د ورزش کارانو ترمنځ د یووالي د ټینګښت په موخه ترسره شوې.
