روسیه؛ د افغانستان بډمنتون درې لوبغاړو د روسیې برکس سیالیو کې د ۱۶ غوره پړاو سیالیو ته لاره پیداکړه
د افغانستان بډمنتون ملي لوبډلې درې لوبغاړو د روسیې برکس سیالیو کې، چې د روسیې هېواد په کوربتوب کازان ښار کې ترسره کیږي، له څلورو بریاو وروسته د روسیې برکس سیالیو ۱۶ غوره پړاو انفرادي سیالیو ته لاره پیدا کړه.
په دغو سیالیو کې صادق بارکزي، اسماعیل جاهد او الهام اکبري د برکس سیالیو په بډمنتون ګروپي سیالیو کې وکولای شول، چې د ښو لوبو په کولو سره د یادو سیالیو ۱۶ غوره پړاو غوراوي لوبډلو ته لاره پیدا کړي.
په همدې وخت کې د نارینه جوړو په برخه کې ورزشکارانو هم په اتو لوبو کې دوې بریاوې خپلې کړې.
دا لومړی ځل دی، چې افغانستان هم د روسیې کازان ښار کې د برکس نړیوالو سیالیو (brics games 2024 russia) کې له ۱۳ هېوادونو سره ګډون لري.
د افغانستان بډمنتون پنځه کسیزه لوبډلې، چې په انفرادي ډول یې ګډون کړی وو، وکولای شول خپلې لومړۍ سیالۍ په ښو امتیازونو وګټي.
