د کندز ولایت د بدني روزنې او ورزش ریاست د ۱۴۰۴ لمریز کال د ورزشي فعالیتونو لنډ کلنی راپور
کندز ولایت د افغانستان د شمالي ولایتونو له جملې څخه دی، چې خلک یې د ورزش ترڅنګ د هېواد د پرمختګ په هره برخه کې مخکښ او پیاوړي دي، د دغه ولایت خلک له ورزش سره بې سارې مینه لري، چې ښه بېلګه یې په وزلوبې سیالیو کې د مینوالو ګڼ شمېر ګډون دی.
د کندز ولایت د بدني روزنې او ورزش ریاست د ورزش د ودې او پراختیا لپاره په ۱۴۰۴ کال کې د پام وړ ورزشي فعالیتونه ترسره کړي دي، چې په دغه راپور کې یې په لنډ ډول لوستلی شئ.
په ټوله کې په یاد ولایت کې اوس مهال د مختلفو څانګو ۲۲ فدراسیونونه فعالیت لري. د دې ترڅنګ پکې ۴۸ کلبونه فعال دي او ۲۱۰۰۰ رسمي او غیر رسمي ورزشکاران پکې پر ورزش بوخت دي.
د کندز ولایت د بدني روزنې او ورزش ریاست اړوند د مختلفو فدراسیونونو د استازولیو له لوري په مرکز او ولسوالیو کې سږ کال ۴۴۱ لویې او وړې ورزشي برنامې ترسره شوې دي، چې ۹۵ یې په مرکز او ۳۴۶ یې په ولسوالیو کې ترسره شوې دي.
د دغه ولایت ورزشي ریاست له لوري د رزونکو، لوبڅارانو او ورزشکارانو د ظرفیت لوړنې په موخه د فوټبال، رزمي ورزشونو فدراسیونونو او دعوت و ارشاد ریاست له لوري ۱۹۰ کسانو ته د ظرفیت لوړونې او دعوتي سمینارونه ورکړل شوي دي.
په ټوله کې په دغه ولایت کې لویې او وړې ورزشي برنامې جوړې شوې دي، چې له جملې یې په مرکز امام بخاري ښارګوټي کې د ۲۴ لوبډلو ترمنځ د فوټبال سیالۍ وې، چې د غبرګولي میاشتې په ۲۵مه نېټه د الچینو تیموري لوبډلې په اتلولۍ پای ته وسېدې، همداراز په مرکز کندز ښار او ولسوالیو کې د زرګونو ورزشکارانو ترمنځ د خپلواکۍ د بیا ترلاسه کولو په موخه د زمري په ۲۵مه ورزشي جشنوارې او ورزشي نندارې وړاندې شوې، د دې ترڅنګ په دغه ولایت کې د فوټبال، والیبال، ټېپ بال کرکټ، بدن ښکلا کورش پهلوانۍ، وزلوبې او ... سلګونه لویې او وړې ورزشي برنامې شوې دي، چې زرګونه کسانو پکې ګډون کړی دی.
له دغه ولایت څخه په ۱۴۰۴ کال کې په ملي او ټاکنیزو سیالو کې ۹۶ ورزشکارانو ګډون کړی دی او ۹ ورزشکاران ملي لوبډلو ته ټاکل شوي دي.
