د والیبال ملي لوبډلې د اسیا مرکزي زون سیالیو دویم مقام وګاټه
د والیبال ملي لوبډلې د مرکزي اسیا مرکزي زون سیالیو په پایلوبه کې ترکمنستان ته د ۳/۲ میدانونو په توپیر لوبه بایلوده او د دغو سیالیو نایب قهرماني یې خپله کړه.
افغانستان د دغو سیالیو په مخکېنیو لوبو کې دوه سیالۍ ترکمنستان او سرلانکا ته بایللې وې او درې سیالیو کې یې نیپال، مالدیف او کوربه بنګلادېش ته ماته ورکړې وه.
دغه سیالۍ د شپږو هېوادونو په ګډون د بنګلادېش په کوربتوب په پلازمېنه ډاکه کې د روانې میلادي میاشتې پر ۲۲مه پیل شوې وې او نن( د اکتوبر ۲۸مه) د افغان ملي لوبډلې په دویم مقام ګټلو سره پای ته ورسېدې.
