د سنوکر دوه افغان ورزشکاران د سنوکر نړۍ والو سیالیو د ۳۲ غوره لوبغاړو پړاو ته ووتل
د سنوکر افغان ورزشکاران محمد رییس هوتک او محمد میر نورزي د سنوکر او بلیارد ۲۰۲۵ نړۍوال جام سیالیو کې هر یوه خپلو عماني سیالانو ته د ۳ – ۰ میدانونو په توپیر ماته ورکړه او د ۳۲ غوره لوبغاړو پړاو ته ووتل.
دغو سالیو کې د افغانستان په استازولۍ درې ورزشکارانو، یوه روزونکي او یوه پلاوي ګدون لري.
یادې سیالۍ د عمان هېواد په کوربتوب په پلازمېنه مسقط ښار کې له ۳۰ ډېرو هېوادونو په ګډون د روانې میلادي میاشتي پر ۱۵مه پیل او تر ۲۳مې نېټې به دوام وکړي.
