د جوزجان د بدني روزنې او ورزش دفتر به بیا ورزشکارانو ته ورکړل شي
دغه څرګندونې د جوزجان والي د بدني روزنې او ورزش د عمومي رياست له پلاوي سره په کتنه کې وکړې او زياته يې کړه چې په تېرو کلونو کې دغه تعمیر چې د ورزشکارانو حق دى، د ثبت او احوالو نفوس ادارې ته ورکړل شوی دی چې ډېر ژر به بېرته د لوبغاړو په اختیار کې ورکړل شي.
د بدني روزنې او ورزش عمومي ریاست مالي او اداري رئیس او ورسره مل پلاوي تېره ورځ سه شنبه د 1401 لمریز کال د وری په 9 مه د دغه ولایت د ورزشي وضعیت د ارزونې په موخه جوزجان ولایت ته سفر وکړ.
دا سفر په داسې حال کې وشو چې د بدني روزنې او سپورت عمومي ریاست د هېواد په شمالي ولایتونو کې د ورزشي وضعیت د ارزونې په موخه د عبدالودود حقاني په مشرۍ یو پلاوی دغو ولایتونو ته استولی دی.
