خوست؛ یعقوبیو صبریو ولسوالۍ کې د ۴۰ لوبډلو ترمنځ د والیبال سیالۍ پیل شوې
د خوست ولایت د بدني روزنې او ورزش آمریت له لوري د یاد ولایت په یعقوبیو صبریو ولسوالۍ کې د ۴۰ لوبډلو ترمنځ د والیبال اختریزې سیالۍ پیل شوې، چې یوه میاشت به دوام وکړي.
د یادو سیالیو په لومړۍ لوبه کې رحیم کلي لوبډلې د ۲ پر صفر میدانونو په توپیر خپلې سیالې تور تنګي لوبډلې ته ماتې ورکړه او د سیالیو لومړۍ بریا یې خپله کړه.
