خوست؛ په صبريو یعقوبیو ولسوالۍ کې د ۴۰ لوبډلو ترمنځ د ټېپ بال کرکټ سيالۍ پيل شوې
د خوست ولايت د بدني روزنې او سپورټ امريت اړوند د ټېپ بال کرکټ فدراسيون د استازولۍ له لوري د صبریو يعقوبيو ولسوالۍ په خالبساط بازار کې د ۴۰ لوبډلو ترمنځ د يووالي جام په نوم د ټېپ بال کرکټ سيالۍ د خپلواک زلمي لوبډلې په بريا پيل شوې.
د يادو سياليو لومړۍ د خپلواک زلمي او باک انار پاچا خان لوبډلو ترمنځ ترسره شوه، خپلواک زلمي لوبډلې د لوبې پچې په گټلو سره په ټاکلو اتو اورونو کې د اووه لوبغاړو په سوځېدو سره سیالې لوبډلې ته د ۶۸ منډو هدف وټاکه، په مقابل کې باک انار پاچا خان لوبډلې ۵۸ منډې وکړې او لوبه يې د لسو منډو په توپير وبايلله.
ياده دې وي، چې دغه سيالۍ به شاوخوا يوه نيمه مياشت دوام وکړي.
