جوزجان؛ خواجه دوکوه ولسوالۍ کې د څلورو لوبډلو ترمنځ د فوټسال سیالۍ ترسره شوې
د جوزجان ولایت د بدني روزنې او ورزش امریت اړوند د فوټبال فدراسیون د استازولۍ له لوري د یاد ولایت په خواجه دوکوه ولسوالۍ کې د څلورو لوبډلو ترمنځ د فوټسال سیالۍ ترسره شوې.
د دغو سیالیو په پایلوبه کې د مډرن کلب لوبډلې خپلې سیالې سېلاب کلب لوبډلې ته د ۳/۱ امتیازونو په توپیر ماتې ورکړه او اتلولي یې خپله کړه.
د یادو سیالیو موخه د فوټسال ورزش ته د ځوانانو هڅوول و.
د سیالیو په پای کې غوره لوبډلې ته د اتلولۍ جام او یوه غوا او غوره ورشکارانو ته چمتو شوې ډالۍ ورکړل شوې.
