تخار؛ چاه اب ولسوالۍ کې د ۷۰ ورزشکارانو ترمنځ د فول رزم ټاکنیزې سیالۍ ترسره شوې
د تخار ولایت د بدني روزنې او ورزش امریت اړوند د فول رزم ملي فدراسیون د استازولۍ له لوري د یاد ولایت په چاه اب ولسوالۍ کې د ۷۰ ورزشکارانو ترمنځ د نویو ځوانانو، ځوانانو او د لویو ورزشکارانو په عمري کټګوریو کې د فول رزم ټاکنیزې سیالۍ ترسره شوې.
د دغو سیالیو په پایله کې ۳۰ ورزشکارانو خپلو سیالانو ته په ماتې ورکولو سره بریاوې ترلاسه کړې او د تخار ولایت د فول رزم منتخبې لوبډلې ته وټاکل شول.
د یادو سیالیو موخه د تخار ولایت فول رزم منتخبې لوبډلې ته د غوره لوبغاړو موندل و، چې یو ورځ یې دوام وکړ.
د سیالیو په پای کې ټاکل شوو ورزشکارانو ته کپ، مډالونه او د اتلولۍ حکمونه ورکړل شول.
