بلخ ؛ په مزار شريف ښار کې د ۳۰ چاپندازانو ترمنځ د وزلوبې سيالۍ وشوې
د بلخ ولايت د بدني روزنې او ورزش رياست اړوند وزلوبې فدراسيون د استازولۍ له لوري د دغه ولايت په مرکز حاجي مقيم بای وزلوبې ورزشي لوبغالي کې د ۳۰ چاپندازانو ترمنځ د وزلوبې سيالۍ وشوې.
دغه سيالۍ چې يوه ورځ يې دوام وکړ، په پايله کې د ميدان حکم لخوا دوه اخرالاق اعلان شول چې لومړی اخرالاق حسين پهلوان او دويم آخرالاق بيا مله پهلوان تر ټاکلې دایرې ورساوه.
هېره دې نه وي چې په پای کې ګټونکو پهلوانانو ته نغدي ډالۍ ورکړل شوې.
