بلخ ؛ مرکز مزارشريف ښار کې د ۱۷ لوبډلو ترمنځ د والیبال سیالۍ پای ته ورسېدې
د بلخ ولایت د بدني روزنې او ورزش ریاست اړوند د والیبال فدراسیون د استازولۍ له لوري د یاد ولایت مرکز مزار شريف ښار کې د ۱۷ لوبډلو ترمنځ د والیبال سیالۍ د سپين زر لوبډلې په اتلولۍ پای ته ورسېدې.
د یادو سیالیو پایلوبه د سپين زر او جوړه رييس لوبډلو ترمنځ ترسره شوه، چې په پایله کې یې سپين زر لوبډلې د ۳ پر صفر میدانونو په توپیر خپلې سیالې لوبډلې ته ماتې ورکړه او اتلولي یې په خپل نوم کړه.
یادې سیالۍ والیبال لوبې ته د ودې او ورزش ته د ځوانانو د هڅولو په موخه ترسره شوې، چې یوه ورځ یې دوام وکړ.
