هلمند؛ مرکز لښکرګاه ښار کې د ١٦ لوبډلو ترمنځ د فوټسال سیالۍ پیل شوې
د هلمند ولایت د بدني روزنې او ورزش آمریت اړوند د فوټبال فدراسیون د استازولۍ له لوري د ياد ولايت مرکز لښکرګاه ښار کې ١٦ لوبډلو ترمنځ د فوټسال سیالۍ پیل شوې.
د یادو سیالیو په لومړۍ لوبه کې برادران حیدري لوبډلې د ٣ پر ١ ګول په توپیر خپلې سیالې سازش لېسې لوبډلې ته ماتې ورکړه او د سیالیو لومړۍ بریا یې خپله کړه.
دا سیالۍ د ځوانانو لپاره د سالمې بوختیا برابرولو په موخه پیل شوي دي، چې درې اوونۍ به دوام وکړي.
