بلخ ؛ دولت اباد ولسوالۍ کې د اتو لوبډلو ترمنځ د والیبال سیالۍ پای ته ورسېدې
د بلخ ولایت د بدني روزنې او ورزش ریاست اړوند د والیبال ملي فدراسیون د استازولۍ له لوري د یاد ولایت د دولت اباد ولسوالۍ په لیندي کلي کې د والیبال سیالۍ د سپين زر لوبډلې په اتلولۍ پای ته ورسېدې.
د دغو سیالیو په پایلوبه کې سبين زر لوبډلې خپلې سیالې قاري نثار لوبډلې ته د ۱/۰ میدان په توپير ماتې ورکړه او اتلولي یې خپله کړه.
د یادو سیالیو موخه د والیبال ورزش ته وده ورکول، د ځوانانو هڅول او لوبغاړو ته یوه سالمه تفرېح برابرول و، چې یوه ورځ یې دوام وکړ.
د سیالیو په پای کې د بلخ ورزشي ریاست له لوري غوره لوبډلې ته د اتلولۍ جام ورکړل شو.
