بغلان؛ پلخمري ښار کې د ۴۰ ورزشکارانو ترمنځ د سیمه ییزې غېږنیونې سیالۍ ترسره شوې
د بغلان ولایت د بدني روزنې او ورزش امریت اړوند د کورش ملي فدراسیون د استازولۍ له لوري د یاد ولایت د پلخمري ښار په مرکز کې د ۴۰ ورزشکارانو ترمنځ د سیمه ییزې غېږنیونې سیالۍ ترسره شوې.
د دغو سیالیو په پایله کې ۲۰ ورزشکارانو د اتلولۍ حکمونه یې ترلاسه کړل.
د یادو سیالیو موخه د کورش سیالیو ته وده ورکول و، چې یو ورځی یې دوام وکړ.
د سیالیو په پای کې د بغلان ورزشي امریت له لوري غوره ورزشکارانو ته چپنې ورکړل شوې.
