بلخ؛ مرکز مزارشریف کې د ۶۵ ورزشکارانو ترمنځ د کیک بوکسینګ ټاکنیزې سیالۍ ترسره شوې
د بلخ ولایت د بدني روزنې او ورزش ریاست اړوند د بوکسینګ ملي فدراسیون د استازولۍ له لوري د یاد ولایت په مرکز مزار شریف کې د ۶۵ ورزشکارانو ترمنځ د نویو ځوانانو، ځوانانو او د لویو ورزشکارانو په عمري کټګوریو کې د کیک بوکسینګ سیالۍ ترسره شوې.
د دغو سیالیو په پایله کې اتو تنو ورزشکارانو خپلو سیالانو ته په ماتې ورکولو سره د اتلولۍ مقامونه ترلاسه کړل او د بلخ ولایت د کیک بوکسینګ منتخبې لوبډلې ته وټاکل شول.
د یادو سیالیو موخه د بلخ ولایت منتخبې لوبډلې ته د غوره ورزشکارانو موندل و، چې یوه ورځ یې دوام وکړ.
د سیالیو په پای کې ټاکل شوو ورزشکارانو ته چمتو شوې ډالۍ ورکړل شوې.
