بدخشان ولایت کې د وزلوبې څلورم پړاو سیالۍ پای ته ورسېدې
د وزلوبې څلورم پړاو دا سیالۍ د چې بدخشان ولايت د بدني روزنې او سپورټ آمریت په ملاتړ د وزلوبې فدراسیون له خوا د یاد ولایت د مرکز فیض آباد په ګډون د کشم، ارگو، جرم، یفتل، بهارک ، وردوج او بهارک ولسوالۍ چاپندازانو ترمنځ پنځه ورځې وړاندې پیل شوې وې پای ته ورسېدې.
دا سیالۍ چې د بهارک ولسوالۍ په کوربتوب په بهارک لوبغالي کې ترسره شوې موخه یې راتلونکو سیالیو ته د غوره چاپندازانو چمتوالی او غوره کول او یو بل سره د تجربو شریکول و.
همدا راز عتیق مختار د پهلوان فیروز په اس د ارګو ولسوالۍ په ګټه، نجیب مختار د رییس خدایداد بای په اس او غلام پهلوان د رییس فواد شبدیز په اس د مرکز فیض آباد په ګټه دایره حلاله او ډالۍ یې ترلاسه کړې.
دا سیالۍ د ورزشي مسوولینو ترڅنګ د سلګونو نندارچیانو او د سېمې اوسېدونکو په حضورکې ترسره شوې.
د پای په مراسمو کې غوره چاپندازانو ته بېلا بېلې ډالۍ ورکړل شوې.
