بدخشان؛ کشم ولسوالۍ کې د ۱۲۰ ورزشکارانو ترمنځ د غېږنيونې سیمه ييزې سيالۍ پای ته ورسېدې
د بدخشان ولايت د بدني روزنې او ورزش امريت اړوند د ملي او سيمه ييزو لوبو مديريت له لوري د ياد ولايت د کشم ولسوالۍ په ياورزن کلي کې د ۱۲۰ ورزشکارانو ترمنځ د غېږنيونې سیمه ييزې سيالۍ پای ته ورسېدې.
دغه سيالۍ په بېلابېلو کټګوريو کې ترسره شوې، چې په پايله کې د مرکز پهلوانانو د ۲۰ امتيازونو په ترلاسه کولو لومړی، ياورزن کلي پهلوانانو د ۱۵ امتيازونو په ترلاسه کولو دويم او دشت خورک کلي پهلوانانو د ۱۰ امتيازونو په ترلاسه کولو سره بیا درېيم مقام خپل کړ.
د يادو سياليو موخه دوديزو لوبو ته وده ورکول او د لوی اختر نمانځل و، چې درې ورځې يې دوام وکړ.
