بامیان؛ مرکز کې د ۵۰ ورزشکارانو ترمنځ د موی تای ټاکنیزې سیالۍ ترسره شوې
د بامیانو ولایت د بدني روزنې او ورزش امریت اړوند د موی تای ملي فدراسیون د استازولۍ له لوري د یاد ولایت مرکز کې د ۵۰ ورزشکارانو ترمنځ د تنکیو ځوانانو، نوي ځوانانو، ځوانانو او د لویو ورزشکارانو په عمري کټګورۍ کې د موی تای ټاکنیزې سیالۍ ترسره شوې.
دغو سیالیو، چې یو ورځ یې دوام وکړ، په پایله کې له ۵۰ ورزشکارانو ۱۵ ورزشکاران د بامیانو ولایت د موتای منتخبې لوبډلې ته وټاکل شوه.
د یادو سیالیو موخه د بامیانو ولایت د موتای منتخبې لوبډلې ته د غوره لوبغاړو موندل و.
د سیالیو په پای کې غوره ورزشکارانو ته مډالونه، اتلولۍ حکمونه او چمتو شوې ډالۍ ورکړل شوې.
