بادغیس؛ قادس ولسوالۍ کې د اتو لوبډلو ترمنځ د والیبال سیالۍ پيل شوې
د بادغیس ولایت د بدني روزنې او ورزش امریت اړوند د والیبال ملي فدراسیون د استازولۍ له لوري د یاد ولایت په قادس ولسوالۍ کې د قومونو د یووالي جام په نوم د اتو لوبډلو ترمنځ د والیبال سیالۍ پيل شوې.
د دغو سیالیو په لومړۍ لوبه کې وحدت لوبډلې خپلې سیالې خراسان لوبډلې ته د ۳/۱ میدانونو په توپير ماتې ورکړه او لومړۍ بریا یې خپله کړه.
د یادو سیالیو موخه د والیبال لوبو ته د ځوانانو هڅول او یووالی رامنځته کول و، چې یوه ورځ یې دوام وکړ.
