افغان کورشکارانو د ترکمنستان په کوربتوب په نړیوالو سیالیو کې شپږ مډاله او درېیم مقام خپل
افغان کورشکارانو د ترکمنستان هیواد د عشق اباد ښار په کوربتوب په نړیوالو سیالیو کې، چې د غویي میاشتې پر دویمه پیل شوي او تر ۵ مې به دوام وکړي، په " ګورش " سبک کې پنځه د برنزو، یو د نقرې مډال وګاټه او په ټیمي ډول یې درېیم مقام خپل کړ.
په نننیو سیالیو کې ویس عزیزي په ۹۰ کیلو وزن کې د سپینو زرو، محب رحماني په ۱۰۰ کیلو وزن کې، کریم الله علیزي په ۵۷ وزن کې، کلیم حبیبي په ۶۲ وزن کې، امین الله پهلوان په ۷۵ وزن کې او میرویس ابراهیمي په + ۱۰۰ وزن کې د برنزو مډالونه وګټل.
یادې سیالۍ د ۱۴ هیوادونو د ورزشکارانو ترمنځ په دوو سبکونو " ګورش او الش " کې پیل شوي، چې له افغانستان څخه ۱۲ ورزشکارانو او شپږ اړوند مربیانو او هیئت ګډون کړی. په ګورش سبک کې ترکمنستان اول، قرغیزستان دویم او افغانستان درېیم مقام خپل کړ.
د یادولو وړ ده، چې شپږ افغان ورزشکاران به سبا په الش سبک کې سیالۍ ترسره کړي.
