کابل؛ د وزلوبې شپږم پړاو غوره لیګ سياليو په دوام نن درېيمه ورځ يما پېټرول، فارياب ځوانانو او د بغلان لوبډلو برياوې خپلې کړې
د وزلوبې او نېزه وهنې شپږم پړاو غوره ليگ سياليو په لړ کې نن ورځ په اوومه لوبه کې يما پېټرول لوبډلې پنجشېر ته، په اتمه لوبه کې فارياب ځوانانو لوبډلې هرات ته او په نهمه لوبه کې بيا بغلان لوبډلې تخار ته ماتې ورکړه او بريا يې خپله کړه.
د دغو سياليو اوومه لوبه کې يما پېټرول لوبډلې خپلې سيالې پنجشېر لوبډلې ته د ۱۱/۰ امتيازونو په توپير سخته ماتې ورکړه، همدارنګه په دوام يې په اتمه لوبه کې فارياب ځوانانو لوبډلې سيالې هرات لوبډلې ته د ۱۱/۲ امتيازونو په توپير ماتې ورکړه او په نهمه لوبه کې بيا بغلان لوبډلې سيالې تخار لوبډلې ته د ۵/۲ امتيازونو په توپير ماتې ورکړه او بريا يې خپله کړه.
د وزلوبې او نيزه وهنې شپږم پړاو غوره ليگ سيالۍ د المپيک، بدني روزنې او ورزش رياست په همکارۍ او د نېزه وهنې، وزلوبې او سيمه ييزو لوبو ملي فدراسيون له لوري د ۱۱ لوبډلو ترمنځ دوې ورځې مخکې د کابل ښار په يک توت وزلوبې لوبغالي کې پيل شوي، چې د ليندۍ مياشتې تر ۲۵ نيټې پورې به دوام وکړي.
