کابل کې د ۳۶۰ پهلوانانو ترمنځ د پهلوانۍ ټاکنیزې سیالۍ پيل شوې
د المپیک کمېټې، بدني روزنې او ورزش عمومي ریاست اړوند د پهلوانۍ ملي فدراسیون د استازولۍ له لوري د یاد ریاست په ۲۵۰۰ کسیز جمنازیوم کې د کابل ښار له ټولو زونونو د ۳۶۰ پهلوانانو ترمنځ د پهلوانۍ ټاکنیزې سیالۍ پيل شوې.
دغه سیالۍ به د ځوانانو او لویو ورزشکارانو په عمري کټګوریو او د ۴۵ کیلو ګرام څخه تر ۱۰۰ کیلو ګرام وزني کټګوریو کې ترسره شي، چې په پایله کې به ۸۰ پهلوانان د کابل ښار د پهلوانۍ منتخبې لوبډلې ته وټاکل شي.
د یادو سیالیو موخه د کابل ښار منتخبې لوبډلې ته د غوره پهلوانانو موندل دي، چې پنځه ورځې به دوام وکړي.
