بغلان کې د ۱۰ لوبډلو ترمنځ د فوټبال غوره لیګ سیالۍ پيل شوې
د بغلان ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت د پلخمري ښار په مرکز کې د۱۰ لوبډلو ترمنځ د فوټبال غوره لیګ سیالۍ د ځوانانو شجاع لوبډلې په بریا پيل شوې، چې نهه ورځې به دوام وکړي.
د دغو سیالیو په لومړۍ لوبه کې د شجاع ځوانانو لوبډلې خپلې سیالې غوري سیمنټ لوبډلې ته د ۳ پر صفر ګولونو پر توپير ماتې ورکړه او لومړۍ بریا یې په خپل نوم کړه.
د یادو سیالیو موخه ورزش ته د ځوانانو هڅوول او د بغلان ولایت فوټبال منتخبې لوبډلې ته د غوره لوبغاړو موندل دي.
