کابل؛ کې د ۲۵ ورزشکارانو ترمنځ د بايسکل ځغلونې سيالۍ ترسره شوې
د المپيک، بدني روزنې او ورزش عمومي رياست اړوند د بايسکل ځغلونې ملي فدراسيون له لوري په کابل کې د ۲۵ ورزشکارانو ترمنځ د بايسکل ځغلونې سيالۍ ترسره شوې.
دغه سيالۍ، چې د کابل ښار له پل محمود خان څخه تر پل علم پورې د ۱۲۰ کيلومتري واټن کې ترسره شوې، په پايله کې سيدالله لومړی، عبدالوهاب واحدي دويم او عبدالمجید بابجاني درېيم مقام تر لاسه کړي.
د يادو سياليو موخه د ايران په کوربتوب د تور اذربايجان په نوم سياليو ته د غوره لوبغاړو موندل و، چې يو ورځ يې دوام وکړ.
د سياليو په پای کې ټاکل شوو لوبغاړو ته ستاينليکونه ورکړل شوه.
