بدخشان؛ جرم ولسوالۍ کې د ۸۰ ورزشکارانو ترمنځ د کورش سیالۍ ترسره شوې
د بدخشان ولایت د بدني روزنې او ورزش امریت اړوند د کورش ملي فدراسیون د استازولۍ له لوري د یاد ولایت په جرم ولسوالۍ کې د څلورو بېلا بېلو ولسوالیو د ۸۰ ورزشکارانو ترمنځ د کورش سیالۍ ترسره شوې.
د دغو سیالیو په پایله کې د راغ ولسوالۍ ورزشکارانو د ۱۶ امتیازونو په ترلاسه کولو لومړی، یفتل ولسوالۍ ورزشکارانو د ۱۴ امتیازونو په ترلاسه کولو دویم او د جرم ولسوالۍ ورزشکارانو د ۱۲ امتیازونو په ترلاسه کولو درېیم مقام ترلاسه کړ.
د یادو سیالیو موخه ورزش ته د ځوانانو هڅوول، د ورزشکارانو ترمنځ یووالی رامنځته کول او د غوره لوبغاړو موندل و.
د سیالیو په پای کې د ورزش مسوولینو له لوري غوره لوبغاړو ته چمتو شوې ډالۍ ورکړل شوې.
