زابل؛ مرکز قلات ښار کې د ۳۰ ورزشکارانو تر منځ د پاورلفټينگ سيالۍ تر سره شوې
د زابل ولايت د بدني روزنې او سپورټ آمريت اړوند د پاورلفټينگ فدراسيون د استازولۍ له لوري د دې ولايت په قلات ښار کې د ۳۰ ورزشکارانو تر منځ د پاورلفټينگ سيالۍ تر سره شوې.
په يادو سياليو کې د زابل ځوانانو او استاد خوشحال کلبونو څخه په دوو کټگوريو کې، ځوانانو او لويانو برخه اخيستې وه، چې په ځوانانو کې احمد ضياء د ۲۳۰ کیلوگرام وزن او لويانو کې خوشحال روفي د ۲۲۰ کیلوگرام وزن په پورته کولو سره لومړي مقامونه خپل کړل.
د دغو سياليو د ترسراوي موخه ورزش ته د ځوانانو هڅول و، چې يوه ورځ يې دوام وکړ.
په پای کې د ورزش آمريت له خوا ورزشکارانو ته مډالونه او ستاينليکونه ورکړل شول.
