باميان؛د دايکندي او باميان ولايتونو ترمنځ د فوټبال دوستانه سيالۍ ترسره شوه
د باميانو او دايکندي ولايتونو د بدني روزنې او ورزش امريتونو په ګډه همکارۍ د باميانو ولایت په ورس ولسوالۍ کې د دواړو ولايتونو ترمنځ د فوټبال دوستانه سيالۍ ترسره شوه.
په دغو سياليو کې د دايکندي ولایت لوبډلې له ٢-١ پايلې سره د باميانو ولایت لوبډلې ته ماتې ورکړه او د دې سياليو اتلولي يې خپله کړه.
د دې سياليو موخه د فوټبال وده او د باميانو ورس ولسوالۍ او د دايکندي ولایت ورزشکارانو ترمنځ د ښو اړيکو رامنځته کول دي.
