په فاریاب کې د ازبکي ژبې د ملي ورځې د نمانځنې په موخه د کورش سيالۍ ترسره شوې
د فارياب ولايت د ميمنې ښار د ښاروالۍ په پارک کې د ازبکي ژبې د ملي ورځې د نمانځنې په موخه د ٥٠ ورزشکارانو ترمنځ د کورش سيالۍ ترسره شوې.
په دې سیالیو کې د فاریاب ولایت د بدني روزنې او سپورت امریت مسوولینو، د دولتي ادارو رئیسانو او کارکوونکو، د یاد ولایت د کورش فدراسیون مسوولینو، ورزشکارانو او ګڼ شمېر مینوالو ګډون کړی و.
دغه سيالۍ د مرکز ميمنې ښار، المار، قيصار، خواجه سبز پوش، شيرين تګاب، ګرزيوان او بلچراغ ولسواليو د غيږ نيوونکو ترمنځ ترسره شوې وې.
د سیالیو موخه د ازبکي ژبې د ملي ورځې نمانځنه او د کورش ورزش وده او پراختیا وه.
