په کندهار کې د ۳۵ ورزشکارانو ترمنځ د ووشو ټاکنیزې سیالۍ ترسره شوې
د کندهار ولایت د بدني روزنې او ورزش ریاست اړوند ووشو فدراسیون له لوري د ۳۵ ورزشکارانو ترمنځ د یاد ولایت په کچه د منتخبې لوبډلې د غوراوي سیالۍ ترسره شوې.
دغه سیالۍ چې یوه ورځ یې دوام وکړ، په پایله کې د یاد ولایت په کچه ۱۳ ورزشکاران منتخبې لوبډلې ته وټاکل شول، چې په راتلونکې کې به د یاد ولایت په کچه په ملي او ولایتي سیالیو کې د نوموړي ولایت په استازولۍ ولوبیږي.
هېره دې نه وي چې په پای کې غوره ورزشکارانو ته د ورزشي مسوولینو له لوري مډالونه او ستاینلیکونه ورکړل شول.
