د فوټبال د ۱۷ کلنو ملي لوبډله تاجکستان روانه شوه
د فوټبال د ۱۷ کلنو ملي لوبډله د المپیک ملې کمېټې او ورزش عمومي رئیس انجنیر نظر محمد مطمین سره د مخه ښه وروسته په اسیایي سیالیو کې د ګډون په موخه تاجکستان ته ولاړه.
د افغانستان په استازیتوب به په دغو سیالیو کې ۲۳ تنه ورزشکاران او ۶ تنه هیت ګډون کوي.
د فوټبال فدراسیون مسوولین وايي، په دغو سیالیو کې به د افغانستان، ازبکستان، تاجکستان، ایران او قرغیزستان د ۱۷ کلنو کم عمره لوبډلې د مې له ۱۳مې څخه تر ۱۸مې پورې سیالۍ وکړي.
د يادونې وړ ده، چې د افغانستان د ملي لوبډلې لومړۍ لوبه به د مې په ۱۳مه له قرغیزستان سره وشي.
