په پارا اسيايي سياليو کې علي سجاد همراز په لومړۍ لوبه کې بریا خپله کړه
د افغانستان د پاراتکواندو لوبغاړي علي سجاد همراز د پارا اسيايي پنځم پړاو سياليو په لومړۍ لوبه کې د میانمار تجربهکار او نوموتي سیال ته په دوو پرلهپسې پړاوونو کې د ډېرو نمرو په توپیر ماتې ورکړه او د سیالیو بل پړاو ته یې لاره وموندله.
همراز به په خپله راتلونکې سیالۍ کې د چین تایپي لوبغاړي ژیانګ وین ژیائو سره مخامخ شي، چې نوموړي په ۲۰۲۲ کال د هانګژو اسیايي لوبو کې د سرو زرو او په ۲۰۲۴ کال د پاریس پارالمپیک سياليو کې د برونزو مډالونه ګټلي دي.
د یادونې وړ ده، چې د افغانستان د پارالمپیک ملي کمېټې د پلاوو په ګډون په دې سیالیو کې د پاراتکواندو، پارا پاورلېفټینګ او د پارا مېز ټېنس په درېیو برخو کې له خپلو لوبغاړو سره ګډون کړی دی.
