د فوټسال ملي لوبډلې کيپ ورد ته ماتې ورکړه او پايلوبې ته يې لار ومونده
د افغانستان فوټسال ملي لوبډلې د فوټسال شپږ اړخیز نړۍوال ټورنمنټ په نيمه پايلوبه کې کيپ ورد ملي لوبډلې ته د ۴ - ۲ ګولونو په توپير ماتې ورکړه او پايلوبې ته يې لار پېدا کړه.
په ياده سيالۍ کې د افغانستان لپاره حميد رضا حسيني دوه، سيد حسين موسوي يو او اميد قنبري يو ګول وواهه.
په دغه شپږ اړخیز نړۍ وال ټورنمنټ کې افغانستان، برازیل، جاپان، پيرو، کیپ ورد او اندونیزیا فوټسال ملې لوبډلو برخه اخيستې وه، چې نن شپه به د کابل پر وخت ۸ بجې او ۳۰ دقيقې د افغانستان او برازيل ملي لوبډلو ترمنځ ستره پايلوبه ترسره شي.
د ويلو ده، چې یاد ټورنمنټ د برازیل په کوربهتوب د پارانای ایالت (سائو ژوزه دوس پینهایس) ښار کې د روانې میلادي میاشتې پر ١٤مه پیل شوی او نن شپه به پای ته ورسېږي.
