ننګرهار؛ مرکز جلال آباد ښار کې د ۵۰ ورزشکارانو ترمنځ د بایسکل ځغلونې فري سټایل سبک سیالۍ ترسره شوې
د المپیک، بدني روزنې او ورزش عمومي ریاست اړوند د بایسکل ځغلونې ملي فدراسیون له لوري او د اټوما مخابراتي شرکت په مالي ملاتړ د ننګرهار ولایت مرکز جلال آباد ښار کې د ۵۰ ورزشکارانو ترمنځ د بایسکل ځغلونې فري سټایل سبک سیالۍ ترسره شوې.
د یادو سیالیو په پای کې په فري سټایل سبک کې محمد ناصر میاخیل، کوهستاني سبک کې محمد باقر ابراهیمي او جاده یي سبک کې بیا نقیب الله لومړی مقام خپل کړ.
د یادونې وړ ده، چې د یادو سیالیو جاده یي او کوهستاني سبک سیالۍ تېره ورځ له کابل څخه تر جلال آباد ښار پورې په ١۵۰ کیلو متره واټن کې ترسره شوې.
