اتحاد توچي لوبډلې د قرباغ فوټسال د یووالي جام اتلولي وګټله
د غزني ولایت په قره باغ ولسوالۍ کې د فوټسال دا سیالۍ چې میاشت وړاندې د ۲۸ لوبډلو ترمنځ پیل شوې وې د "اتحاد توچي" لوبډلې په بریا پای ته ورسېدې.
د غزني ولایت د فوټبال د مسولینو په خبره د سیاليو په پای لوبه کې "اتحاد توچي" د "طلوع ده بدي" پر وړاندې لوبه وکړه چې درې د صفر پر وړاندې يې "طلوع ده بدي" ته ماتې ورکړه او د دې ټورنمنټ اتلولي يې وګتله.
د لوبې په وروستیو کې د ورزشي مسولانو له لوري بریالۍ لوبډلې ته کپونه او مډالونه هم ورکړل شول.
د مسؤلینو په خبره د دې لوبو موخه د ورزشکارانو ترمنځ یووالی او د فوټبال لوبې ته پراختیا ورکول دي.
