تخار کې د فوټبال حذفي جام سيالۍ د وحدت لوبډلې په اتلولۍ پای ته ورسېدې
د تخار ولايت د بدني روزنې او ورزش امريت اړوند د فوټبال ملي فدراسيون د استازولۍ له لوري د ياد ولايت په رستاق ولسوالۍ کې د ۱۲ لوبډلو ترمنځ د فوټبال حذفي جام سيالۍ د وحدت لوبډلې په اتلولۍ پای ته ورسېدې، چې دوې اوونۍ يې دوام وکړ.
د دغو سياليو په پايلوبه کې وحدت لوبډلې خپلې سيالې بسيج ملي لوبډلې ته د ۴/۳ ګولونو په توپير ماتې ورکړه او اتلولي يې خپله کړه.
د سياليو په پای کې د ورزش مسوولينو له لوري غوره لوبډلې او لوبغاړو ته چمتو شوې ډالۍ ورکړل شوې.
