د کورنیو چارو وزیر خلیف.ه س.راجالدین ح.ق.ان.ي د دودیزې غېږنیونې جشنوارې د ګډون کوونکو هېوادونو له استازو سره وکتل
د کورنیو چارو وزیر، محترم الحاج خلیف.ه سراجالدین ح.ق.ان.ي، نن په کابل کې د دودیزې غېږنیونې د بین المللي جشنوارې له ګډون کوونکو هېوادونو د استازو او ورزشکارانو سره وکتل.
محترم خلیفه صاحب وویل: د بېلابېلو هېوادونو د ورزشکارانو راتګ او دلته یې د تود هرکلي او مېلمهپالنې تجربه دا ښيي، چې هېواد ورځ تر بلې د خوښۍ او پرمختګ پر لور روان دی او د افغانستان د سولې او ثبات پیغام په پراخه کچه خپرېږي.
خلیفه صاحب د ګډون کوونکو هېوادونو له ورزشکارانو څخه مننه وکړه او ویې ویل چې ورزشکاران د خپلو هېوادونو غیررسمي ورزشي سفیران دي، نو باید د افغانستان د سولې، ورورولۍ او مثبت تصویر پیغام له ځان سره خپلو هېوادونو ته یوسي.
نوموړي همدارنګه د المپیک ادارې له مشرتابه او د افغانستان د ورزشکارانو له استازو سره د هر راز همکارۍ او ملاتړ ډاډ څرګند کړ او د بهرنیو ورزشکارانو د مېلمهپالنې او د سیالیو د ښه تنظیم له امله یې ستاینه وکړه.
یادونې وړ ده، چې د اوو هیوادونو ترمنځ د دودیزې غیږنیونې بین المللي جشنواره د افغانستان په کوربتوب د تېرې پنجشنبې په ورځ په بلازمېنه کابل کې پیل شوه، چې له ازبکستان، قرغيزستان، ترکمنستان، تاجکستان، ايران او ترکيې هيوادونو څخه پکې ۶۰ بهرنیو او ۱۰۰ داخلي ورزشکارانو ګډون کړی و.
