بغلان؛ ډنډ غوري ولسوالۍ کې د ۱۰۰ چاپندازانو ترمنځ د وزلوبې سيالۍ وشوې
د بغلان ولايت د بدني روزنې او ورزش امريت اړوند د وزلوبې، نېزه وهنې او دوديزو لوبو ملي فدراسيون د استازولۍ له لوري د ياد ولايت په ډنډ غوري ولسوالۍ کې له تخار، کندز، سمنګان، بلخ، پنجشېر، سرپل او بغلان ولايتونو څخه د ۱۰۰ چاپندازانو ترمنځ د وزلوبې سيالۍ وشوې.
د دغو سياليو په پایله کې لومړی اخرالاق د خالد احمدزي، دويم اخرالاق د احمد سرپلي او درېيم اخرالاق د کريم چرمابي له لوري خوسی تر ټاکلي دايرې ورسوه او د ډاليو ګټونکي شول.
