جوزجان؛ مرکز شبرغان ښار کې د ۱۶ لوبډلو ترمنځ د والیبال سیالۍ پیل شوې
د جوزجان ولایت د بدني روزنې او ورزش امریت اړوند د والیبال ملي فدراسیون د استازولۍ له لوري د یاد ولایت په مرکز شبرغان ښار کې له مرکز او ولسیوالیو د ۱۶ لوبډلو ترمنځ د والیبال سیالۍ پيل شوې، چې شپږ ورځې به دوام وکړي.
د دغو سیالیو په لومړۍ لوبه کې جوانان قزل ایاق لوبډلې خپلې سیالې د منګجک ولسوالۍ اتحاد لوبډلې ته د ۲/۰ میدانونو په توپیر ماتې ورکړه او لومړۍ بریا یې خپله کړه.
د یادو سیالیو موخه د جوزجان ولایت منتخبې لوبډلې ته د غوره لوبغاړو ټاکل دي.
