بغلان؛ مرکز پلخمري ښار کې د ۱۱۰ ورزشکارانو ترمنځ د سوک وهنې سیالۍ ترسره شوې
د بغلان ولایت د بدني روزنې او ورزش امریت اړوند د سوک وهنې فدراسیون د استازولۍ له لوري د یاد ولایت مرکز پلخمري ښار کې د فاریاب، تخار، کندز، سمنګان، بلخ او بغلان د ۱۱۰ ورزشکارانو ترمنځ د سوک وهنې سیالۍ ترسره شوې.
دا سیالۍ د تنکیو ځوانانو، ځوانانو او مشرانو ورزشکارانو په عمري کټګوریو کې ترسره شوې، چې په پایله کې یې بغلان لومړی، بلخ دویم او سمنګان درېیم مقام خپل کړ.
دا سیالۍ په بغلان کې ورزش ته د ودې ورکولو او د ورزشکارانو ترمنځ د یووالي د رامنځته کولو په موخه ترسره شوې، چې یوه ورځ یې دوام وکړ او په پای کې غوره ورزشکارانو ته ډالۍ ورکړل شوې.
