بلخ؛ په دولت اباد ولسوالۍ کې د ۶۰ چاپندازانو ترمنځ د وزلوبې سيالۍ وشوې
د بلخ ولايت د بدني روزنې او سپورټ رياست اړوند د وزلوبې، نيزه وهنې او سيمه ييزو لوبو ملي فدراسیون د استازولۍ له لوري د ياد ولايت په دولت اباد ولسوالۍ کې د ۶۰ چاپندازانو ترمنځ د وزلوبې سيالۍ وشوې.
د دغو سياليو په پايله کې د ميدان حکم له لوري دوه اخرالاقه اعلان شول، چې لومړی اخرالاق علم پهلوان د نعمت بای وزیر اباد پر اس او دوم اخرالاق بيا علیم پهلوان د شاولي بای پر اس تر حلالې دايرې ورسول او د سياليو گټونکي شول.
د ويلو ده، چې د دغو سياليو موخه د یاد ولایت غوره لیګ ته د چاپندازانو لا ښه چمتو والی او د يادې ولسوالۍ وگړو لپاره د سالمې تفريح برابرول وو، چې يوه ورځ يې دوام وکړ.
