زابل؛ شاجوی ولسوالۍ کې د ۵۰ ورزشکارانو ترمنځ د جمناستیک سیالۍ ترسره شوې
د زابل ولایت د بدني روزنې او ورزش امریت اړوند د جمناستیک فدراسیون د استازولۍ له لوري د ياد ولايت په شاجوی ولسوالۍ کې د دوو کلبونو د ۵۰ ورزشکارانو ترمنځ د جمناستیک سیالۍ ترسره شوې.
د سیالیو په پای کې د استاد روزي محمد کلب ورزش کارانو د ډېرو نمرو په ترلاسه کولو سره لومړی مقام خپل کړ.
دا سیالۍ د ورزش کارانو ترمنځ د یووالي په موخه ترسره شوې چې یوه ورځ یې دوام وکړ او په پای کې د ياد ولايت د ورزشي آمريت له لوري غوره ورزش کارانو ته مډالونه او ستاینلیکونه ورکړل شول.
