دایکندي ؛ ګیتي ولسوالۍ کې د ۲۰ لوبډلو ترمنځ د فوټسال سیالۍ پای ته ورسېدې
د دایکندي ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت په ګیتي ولسوالۍ کې د ۲۰ لوبډلو ترمنځ د یووالي جام په نوم د فوټسال سیالۍ د اتحاد تمران لوبډلې په اتلولۍ پای ته ورسېدې.
د دغو سیالیو په پایلوبه کې د اتحاد تمران لوبډلې خپلې سیالې شنیه ګیتي لوبډلې ته د ۵/۳ ګولونو په توپير ماتې ورکړه او اتلولي یې خپله کړه.
د یادو سیالیو موخه د فوټسال ورزش ته وده ورکول او د ځوانانو ترمنځ یووالی رامنځته کول و، چې درې اوونۍ یې دوام وکړ.
د سیالیو په پای کې د دایکندي ولایت ورزشي ورزشي امریت له لوري غوره لوبډلې ته د اتلولۍ جام او غوره لوبغاړو ته بېلا بېلې ورزشي ډالۍ ورکړل شوې.
