پکتيکا؛ په یحی خېلو ولسوالۍ کې د ۵۰ لوبډلو ترمنځ د ټېپ بال کرکټ سيالۍ پيل شوې
د پکتيکا ولايت د بدني روزنې او ورزش آمريت اړوند د ټېپ بال کرکټ فدراسيون د استازولۍ له لوري د ياد ولايت په یحی خېلو ولسوالۍ کې د ۵۰ لوبډلو ترمنځ په ليرې پرتو سيمو کې ورزش ته د ودې ورکولو او په پرمختگ په موخه د ټېپ بال کرکټ سيالۍ، چې ۲۵ ورځې به دوام وکړي، د بازار لوبډلې په بريا پيل شوې.
د يادو سياليو لومړنۍ لوبه د بازار او مروت خېلو لوبډلو ترمنځ ترسره شوه، چې بازار لوبډلې د لوبې پچې په گټلو سره په ټاکلو شپږو اورونو کې د پنځو لوبغاړو په سوځېدو سره سیالې لوبډلې ته د ۹۱ منډو هدف وټاکه، په مقابل کې مروت خېلو لوبډلې د ټولو لوبغاړو په سوځېدو سره يواځې ۵۳ منډې وکړې او لوبه يې د ۳۷ منډو په توپير وبايلله.
