باميان کې د معارف رياست باسکټبال سيالۍ د مرکزي لېسې لوبډلې په اتلولۍ پای ته ورسېدې
د باميان ولايت د بدني روزنې او ورزش آمريت او د باسکټبال فدراسيون د استازولۍ په گډه همکارۍ د ياد ولايت په مرکز کې د څلورو لوبډلو ترمنځ د معارف رياست باسکټبال سيالۍ، چې درې ورځې مخکې پيل شوې وې، د مرکزي لېسې لوبډلې په اتلولۍ پای ته ورسېدې.
په دغو سياليو کې د مرکزي، حيدراباد، بابا خصوصي لېسو او د دشت سيد منځني ښوونځي لوبډلو گډون کړی وو، چې په پايلوبه کې مرکزي لېسې لوبډلې خپلې سيالې بابا خصوصي لېسې لوبډلې ته د ۳۲ پر ۲۲ امتيازونو په توپير ماتې ورکړه او اتلولي يې خپله کړه.
د يادونې وړ ده، چې د دغو سياليو د ترسره کېدو موخه د زده کوونکو ترمنځ د باسکټبال لوبې وده او پرمختگ وو، چې په پای کې غوره لوبډلو ته بېلابېلې چمتو شوې ډالۍ ورکړل شوې.
