پکتيکا؛ سوپر افغان لوبډلې د ارگون فوټبال ليگ سياليو اتلولي وگټله
د پکتيکا ولايت د بدني روزنې او ورزش امريت اړوند د فوټبال فدراسيون د استازولۍ له لوري د ارگون ولسوالۍ په باليشو لوبغالي کې د ۱۴ لوبډلو ترمنځ د غوره لوبغاړو موندلو په موخه د ارگون فوټبال ليگ سيالۍ، چې ۲۰ ورځې مخکې پيل شوې وې، د سوپر افغان لوبډلې په اتلولۍ پای ته ورسېدې.
د يادو سياليو په پايلوبه کې سوپر افغان لوبډلې خپلې سيالې شاهين باليش لوبډلې ته د ۰/۱ گول په توپير ماتې ورکړه او اتلولي يې خپله کړه.
ياده دې وي، چې د دغو سياليو په پای اتلې لوبډلې ته د اتلولۍ جام ورکړل شو.
