غزني؛ مرکز کې د لسو لوبډلو ترمنځ د فوتبال غوره لیګ سیالۍ د شهادت لوبډلې په اتلولي پای ته ورسېدې
د غزني ولایت د بدني رونې او ورزش آمریت اړوند د فوټبال فدراسیون د استازولي له لوري د یاد ولایت مرکز کې لسو لوبډلو ترمنځ د فوټبال غوره لیګ سیالۍ چې دوې میاشتې مخکې پیل شوې وې، د شهادت لوبډلې په اتلولي پای ته ورسېدې.
د یادو سیالیو پایله کې شهادت لوبډلې د ۲۰ نمرو په ترلاسه کولو سره لومړی او پیروز لوبډلې د ۱۸ نمرو په ترلاسه کولو سره دویم مقام خپل کړ.
د دغو سیالیو غوره لوبغاړی نجیب الله، غوره ګول ساتونکی تمیم او له شهادت لوبډلې محمد فهیم غوره ګول وهونکی ونومول شو.
یادې سیالۍ د زون په کچه سیالیو لپاره د غوره لوبډلې د موندلو په موخه ترسره شوې او په پای کې اتلې او غوره لوبغاړو ته چمتو شوې ډالۍ ورکړل شوې.
