زابل؛ په شاجوی ولسوالۍ کې د ۲۰ ورزشکارانو ترمنځ د کيک جستو سيالۍ ترسره شوې
د زابل ولايت د بدني روزنې او سپورټ امريت اړوند کيک جستو فدراسيون د استازولۍ له لوري د ياد ولايت په شاجوی ولسوالۍ کې د ۲۰ ورزشکارانو ترمنځ په ځوانانو او نويو ځوانانو په عمري کټگوريو کې د کيک جستو سيالۍ ترسره شوې.
دغه سیالۍ چې د استاد احمد او استاد طلا محمد کلبونو ورزشکارانو ترمنځ ترسره شوې، په پايله کې د استاد احمد کلب ورزشکارانو بريا خپله کړه.
د دغو سياليو د ترسره کېدو موخه ورزش ته د ځوانانو هڅول او د کيک جستو لوبو ته وده ورکول ښودل شوي وو، چې يوه ورځ يې دوام وکړ.
