ننګرهار؛ مرکز جلال آباد ښار کې د ٢٦ لوبډلو ترمنځ د والیبال سیالۍ پای ته ورسېدې
د ننګرهار ولایت د بدني روزنې او ورزش ریاست اړوند د والیبال فدراسیون د استازولي له لوري د ياد ولايت مرکز جلال آباد ښار په سراج العمارت بڼ کې ٢٦ لوبډلو ترمنځ د والیبال سیالۍ د اتحاد لوبډلې په اتلولي پای ته ورسېدې.
د یادو سیالیو پایلوبه د اتحاد او جاويد لغمان لوبډلو ترمنځ ترسره شوه، چې په پایله کې یې اتحاد لوبډلې د ٣ پر صفر میدانونو پهٔ توپیر خپلې سیالې لوبډلې ته ماتې ورکړه او اتلولي یې په خپل نوم کړه.
يادې سیالۍ ورزش ته د ځوانانو د هڅونې او د نظام د ملاتړ په موخه ترسره شوې چې شپږ ورځې یې دوام وکړ او په پای کې اتلې لوبډلې ته د اتلولي کپ ورکړل شو.
