غزني؛ ده یک ولسوالۍ کې د ۱۶ لوبډلو ترمنځ د فوټبال سیالۍ پای ته ورسېدې
د غزني ولایت د بدني روزنې او ورزش امریت اړوند د فوټبال فدراسیون د استازولۍ له لوري د یاد ولایت په ده یک ولسوالۍ د ۱۶ لوبډلو ترمنځ د فوټبال سیالۍ، چې دوې میاشتې وړاندې پيل شوې وې د پښتون زلمیانو لوبډلې په اتلولۍ پای ته ورسېدې.
د دغو سیالیو په پایلوبه کې د پښتون زلمیانو لوبډلې خپلې سیالې خواجه علي لنګیر لوبډلې ته د ۳/۲ امتیازونو په توپير ماتې ورکړه او اتلولي یې خپله کړه.
د یادو سیالیو موخه د فوټبال ورزش ته وده ورکول او د فوټبال غوره لیګ ته د لوبغاړو چمتو والی و.
د سیالیو په پای کې غوره لوبډلې ته کپ، مډالونه، ډالۍ او ستاینلیکونه ورکړل شوه.
